Apple 4 Mart Tədbiri: Xüsusi Təcrübə Görüşü

Apple ilin ilk tədbirini 4 martda keçirməyə hazırlaşır. Şirkət “xüsusi Apple təcrübəsi” adlandırdığı təqdimatı eyni vaxtda Nyu-York, London və Şanxay şəhərlərində təşkil edəcək. Tədbirin başlanğıcı 09:00 ET / 14:00 GMT / 22:00 CST olaraq göstərilir. Hələlik təqdimatın canlı yayımlanacağı dəqiqləşməyib — Apple məhsulları sadəcə mətbuat açıqlaması ilə də elan edə bilər.

Gözləntilərin mərkəzində isə son həftələrdə ən çox müzakirə olunan iPhone 17e dayanır. Şayiələrə görə, bu model A19 çipi ilə yenilənəcək, 6.1 düymlük ekran və Dynamic Island dizaynı alacaq. Ön kameranın isə iPhone 17 seriyası ilə eyni — 18MP olacağı bildirilir.

Məlumat sızıntılarında iPhone 17e üçün daha bir sıra yeniliklər də çəkilir: Apple-ın yeni C1X modeminin istifadəsi, MagSafe dəstəyi, tək 48MP arxa kamera və 599 dollar start qiyməti.

Tədbirdə yalnız iPhone deyil, MacBook və iPad yenilikləri də gündəmdə ola bilər. İddialara əsasən, Apple A18 Pro çipli, alüminium korpuslu və 1000 dollardan ucuz yeni giriş səviyyəli MacBook üzərində çalışır və bu model bir neçə rəng variantı ilə təqdim oluna bilər. Bundan başqa, M5 MacBook Air, eləcə də M5 Pro və M5 Max çipləri ilə yenilənmiş MacBook Pro modellərinin də göstəriləcəyi ehtimal edilir.

Digər gözləntilər arasında yeni Mac displeyləri, M4 çipli yenilənmiş iPad Air və A18 çipli standart iPad də var.